Партија табла е пред сè трка: победник е играчот кој прв ги изнесува сите свои пулови откако ќе ги прибере во своето внатрешно поле. Меѓутоа, ако играта се сведуваше само на трка, големите фрлања на коцки ќе беа доволни за победа и игровиот интерес ќе беше ограничен. Но правилата на таблата ти дозволуваат и да го попречуваш и забавуваш противникот, градејќи пунктови и удирајќи осамени пулови. Отаде обичната трка, таблата е трка со пречки.
Првата коментирана партија што следува го илустрира примената на елементарните стратегии: претпазливо напредување на непријателска територија и победа во трката. Во оваа прва партија кубот за удвојување не се користи.
На секој потег на двајцата противници ќе учествуваш. Ќе можеш да се обидеш да го одиграш својот потег, а потоа ќе го видиш најдобриот потег со коментар.
Ајде, започнуваме кога си спремен!